The Associated Press. Ինչպես էր մերկ տղամարդը «հեծնել» արքայազնի արձանը (տեսանյութ)

Ուրբաթ կեսօրին Լոնդոն քաղաքի Ուայթհոլ փողոցի անցորդները ականատես եղան մի զվարճալի միջադեպի. ականատեսները, ինչպես նաև, քիչ հետո ժամանած ոստիկանությունը պատմում են, թե ինչպես մի տկլոր տղամարդ բարձրացել էր Պաշտպանության նախարարության դիմացը գտնվող Գեորգ արքայազնի արձանի վրա և փորձում «հեծնել» այն, գրում է The Associated Press-ը:

19-րդ դարի հեծյալ արքայազնի՝ Քեմբրիջի դուքս Գեորգի արձանը գտնվում է Լոնդոն քաղաքի Տրաֆալգարյան հրապարակից, բրիտանական խորհրդարանից և վարչապետ Դեվիդ Քեմերոնի նստավայրից քիչ հեռու՝ Ուայթհոլ փողոցի վրա, որը ոստիկանները ստիպված էին փակել որոշ ժամանակով: Ժամանած հրշեջներին և շտապ օգնության աշխատակիցներին մի քանի ժամ պահանջվեց մարդուն իջեցնելու համար:

Սքոթլենդ Յարդի խոսնակը պնդում է, որ այդ մարդը, մոտավորապես 30-40 տարեկան, նստած էր մնացել արձանի վրա գրեթե երկու ժամ:

Ոստիկանները նշում են նաև, որ երբ այս տղամարդը բարձրացավ արձանի վրա,նա հագնված էր, իսկ հետո նա սկսեց արագ հանվել, հաղորդում է BBC-ին:

Առայժմ պարզ չի՝ ինչն էր նրան մղել նման քայլի դիմել, ինչ էր նա ուզում արտահայտել, դեռևս անհայտ է: