TIME. Չինաստանը նախատեսում է 90 օրում կառուցել աշխարհի ամենաբարձր երկնաքերը

Չինաստանի «Broad Sustainable Building» ընկերությունը, հիմնվելով իր կողմից կատարած մանրամասն հաշվարկների վրա, պնդում է, որ այն երեք ամսում կարող է կառուցել աշխարհի ամենաբարձր երկնաքերը (838 մետր). գրում է TIME-ը:

«Մրցավազքն անհնարինության դեմ» նախատեսված է սկսել մյուս տարվա հունվարին: Չինական ընկերությունը նախատեսել է 90 օրում կառուցել 220 հարկ ունեցող աշտարակ, այսպես կոչված, «Երկնային քաղաք» (Sky City), Չանգշա քաղաքում, որը գտնվում է Չինաստանի հարավարևելյան Հունան շրջանում, ինչը նշանակում է, որ օրական 5 հարկ է նախատեսվում կառուցել:

Այստեղ հարցը ոչ միայն արագության մեջ չէ, այլև բարձրության: Աշխատանքների ավարտին «Երկնային քաղաքը» 9.7 մետրով բարձր է լինելու «Բուրջ Խալիֆայից» (Burj Khalifa)՝ աշխարհի ներկայիս ամենաբարձր շինությունից:

Dezeen on-line ամսագրի համաձայն` աշխատանքների ավարտին աշտարակի մեջ լինելու է դպրոց, հիվանդանոց, ուղղաթիռի 17 վայրէջքի հարթակներ, ինչպես նաև բնակարան 30.000 անձի համար։

Չինական ընկերությունն իր գործունեությունը սկսել է որպես օդափոխման սարքեր արտադրող, բայց վերափոխվել է՝ զարգացնելով երկնաքերերի կառուցման նոր մեթոդը:

Wired ամերիկյան ամսագրի համաձայն՝ չինական ընկերության հիմնադիր և նախագահ Չժանգ Յուեն «ոգեշնչվել է» 2008 թվականի Սիչուանի երկրաշարժի պատճառած ահռելի ավերածություններից, որին զոհ է գնացել 68.000 մարդ՝ նրան մղելով կառուցելու երկրաշարժին դիմացկուն երկնաքերեր: