«ՀԺ». ԲՀԿ-ական քաղաքական կոնսուլտացիաները դեռ չեն ավարտվել
Վերջին լուրեր
«Հայկական Ժամանակ» հայկական պարբերականը գրում է.
«Հնարավո՞ր է, որ քաղաքական ուժերի միջև ներկայումս ընթացող գործընթացների արդյունքում՝ 2013-ի նախագահական ընտրություններում նախագահի միասնական թեկնածու դառնա ՀՀ առաջին նախագահ, ՀԱԿ առաջնորդ Լևոն Տեր-Պետրոսյանը: Երեկ «Հայկական ժամանակ»-ի թղթակիցն այս հարցն ուղղել է ԲՀԿ-ական Վարդան Օսկանյանին:
«Կոռեկտ չէ հիմա անվան շուրջ ինչ-որ բան ասել»,- պատասխանել է Օսկանյանը: Հարցին, թե երբ են անցնելու նախագահի կոնկրետ թեկնածուի՝ անձի շուրջ քննարկումներին, նա պատասխանել է. «Եկող շաբաթ, ուզենք-չուզենք, ինչ-որ հստակություն պիտի լինի»: Օսկանյանը նաև նշել է, որ քաղաքական կոնսուլտացիաների վերաբերյալ ասելու նոր բան չունի: «Օրակարգ է ձևավորվում, պայմանավորվածություններ չկան»,- ասել է նա:
Երկու օրվա ընթացքում իր նախաձեռնած կոնսուլտացիաների արդյունքներն է ամփոփելու նաև Հայ հեղափոխական դաշնակցությունը: Երեկ «ՀԺ» թղթակցին հայտնի է դարձել, որ ՀՅԴ-ն նախատեսում է եկող շաբաթ ավելի լայն ձևաչափով՝ հրապարակային քննարկում անց կացնել բոլոր քաղաքական ուժերի հետ, որ կմասնակցեն նաև լրագրողները»:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
