«Ժողովուրդ». Ցորենի սերմացու. ոչ թե աջակցություն գյուղացուն, այլ՝ ոմանց համար բիզնես:
Վերջին լուրեր
«Ժողովուրդ» հայկական պարբերականը գրում է.
«ՀՀ գյուղատնտեսության նախարար Սերգո Կարապետյանը շարունակում է զարմացնել իր «ինքնատիպ» պահվածքով: Երեկ' «Սերմերի մասին» օրենքի փոփոխությունների նախագծի վերաբերյալ խորհրդարանական լսումների ժամանակ, երբ պատգամավորները նախարարին «տհաճ» հարցեր են տվել, վերջինս սպառնացել է լքել դահլիճը:
Ամեն ինչ սկսվել է այն բանից, երբ Աժ գյուղատնտեսության հարցերով մշտական հանձնաժողովի նախագահ Մարտուն Գրիգորյանը, վկայակոչելով հարյուրավոր գյուղատնտեսների դժգոհությունները կառավարության հատկացրած ցորենի սերմացուի վերաբերյալ, ասել է, որ սա ոչ թե աջակցություն էր գյուղացուն, այլ' ոմանց համար բիզնես: Ս. Կարապետյանը հակադարձել է, թե սա ոչ թե բիզնես է, այլ'պետական լուրջ ծրագիր: Հետո, տեսնելով որ քննարկման թեման միայն ցորենի չհաջողված սերմացուն է, նախարարը սպառնացել է ցորենի սերմի մասին խոսակցությունը շարունակելու դեպքում այլևս չպատասխանել հարցերին ու հեռանալ Աժ-ից: «Չեք ուզում մասնակցել, Ձեր խնդիրն է, բայց ցորենի հարցն անմիջական կապ ունի այս թեմայի հետ»,-նախարարին «տեղն է դրել» նիստը վարող Մ. Գրիգորյանը»:
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
