Մեքսիկացի փորձագետները կոչ են անում տեղափոխել Ալիևի արձանը

Փորձագետների մեքսիկական հանձնաժողովը Մեխիկոյի իշխանություններին կոչ է արել մայրաքաղաքի գլխավոր փողոցի մոտակայքում գտնվող այգուց տեղափոխել 2003թ. վախճանված քաղաքական գործիչ, Ադրբեջանի նախկին նախագահ Հեյդար Ալիևի հիշատակը հավերժացնող արձանը: Այս մասին հաղորդում է BBC-ն:

Ալիևի հիշատակը հավերժացնող բրոնզաձույլ արձանը տեղադրվել է Ադրբեջանի դեսպանատան միջոցով: Քննադատները մեղադրում են երկրիրը տաս տարի շարունակ ղեկավարած Ալիևին ընդդիմության վրա ճնշումներ գործադրելու մեջ:

Փորձագետների խոսքերով՝ արձանը Մահաթմա Գանդիի, Աբրահամ Լինքոլնի և Մեքսիկայի ազգային հերոսների կողքին համահունչ չի նայվում:
Մեքսիկայում Ալիևի արձանի շուրջ բանավեճերը նրա տեղադրման օրվանից չեն դադարում, սակայն քաղաքի ղեկավարությունը դեռ չի արտահայտել իր դիրքորոշումն այդ հարցի կապակցությամբ:

Ուրբաթ օրն Ադրբեջանը սպառնացել է չեղյալ հայտարարել Մեքսիկայում 4 մլդ դոլար արժողությամբ ներդրումային գործընթացն այն դեպքում, եթե արձանը տեղափոխվի: