Մերկ տղամարդը՝ արձանի գլխին (տեսանյութ)

Բրիտանիայի մայրաքաղաք Լոնդոնի կառավարական թաղամասում իսկական խառնաշփոթ էր առաջացել: Աշնանային +10 աստիճան ջերմաստիճանի պայմաններում ուրբաթ օրը մի մերկ տղամարդ բարձրացել էր 19-րդ դարի Քեմբրիջի դուքս արքայազն Գեորգին պատկերող հեծյալ արձանի գլխին:

Տղամարդը գլխապտույտ բարձրության վրա վտանգավոր հնարքներ էր գործադրում. փոխանցում է Deutsche-Welle-ն: Արձանը նայում է դեպի բրիտանական վարչապետի առանձնատունը:

Ոստիկանությունn ամբողջովին շրջափակել է Լոնդոնի սրտում գտնվող փողոցը: Ոստիկանները վախենում են, թե տղամարդն իր մոտ դանակ է պահում: Մարդկանց հոծ բազմություն է հավաքվել արձանի մոտ և զննում է տղամարդուն, որը թափահարում է իր ձեռքերը: Միայն երեք ժամ անց է հաջողվել տղամարդուն ցած իջեցնել իր բարձունքից:

Նրա արարքի դրդապատճառները դեռ պարզ չեն: Տղամարդը ձերբակալվել է:

Կարող եք դիտել տեսանյութ-ը՝ զվարճանալու և լիցքաթափվելու համար։