Արդեն 100 քաղաքացի է տուժել Եգիպտոսում ծայր առած անկարգություններից
Վերջին լուրեր
Ավելի քան 100 մարդ է տուժել Եգիպտոսում ծայր առած անկարգությունների հետևանքով. փոխանցում է BBC-ն: Եգիպտոսի նախագահ Մուհամմեդ Մուրսիի որոշումների դեմ բողոքող եգիպտացիները վրդովվել են նախագահի լիազորություններն ընդլայնող այդ որոշման ընդունումից:
Ոստիկանության աշխատակիցներն արցունքաբեր գազ են կիրառել Թահրիրում հավաքված ցուցարարների դեմ, որպեսզի ցրեն նրանց վրանային ճամբարը հրապարակում:
Միաժամանակ նորանշանակ գլխավոր դատախազը հայտարարել է, որ մտադիր է շարունակել երկրի նախկին նախագահ Հուսնի Մուբարաքի և նրա մերձավորների դեմ հարուցված քրեական գործերի հետաքննությունը:
Հիշեցնենք, որ Եգիպտոսի նախագահ Մուհամմեդ Մուրսիի հակառակորդները մեկշաբաթյա բողոքի ցույց են սկսել կենտրոնական Թահրիր հրապարակում:
Բողոքողների հիմնական նպատակը Մուրսիին ներկայացրած պահանջն է՝ չեղյալ հայտարարել իր լիազորությունների ընդլայնման մասին ցուցումը:
Ըստ նրա նոր ցուցումների՝ նա կարող է ցանկացած ցուցում տալ, որն անհրաժեշտ է հեղափոխության պաշտպանության համար: Ընդ որում, նրա ստորագրած ցանկացած որոշում բողոքարկման ենթակա չէ: Նշենք, որ դատարանն այլևս չի կարող ազատ արձակել խորհրդարանի վերին պալատն ու Սահմանադրական ասամբլեան:
ՈՒՂԻՂ ԵԹԵՐ
Ամենադիտված 
Մահացել է Երասխի միջնակարգ դպրոցի սան Վահե Մարգարյանը
