Պայթյուն Չինաստանի ածխահանքում. կան զոհեր

Չինաստանի հարավում ածխահանքում տեղի ունեցած պայթյունի հետևանքով զոհվել է նվազագույնը 18 հանքագործ, ևս մի քանի մարդ այս պահին մնում է հողի տակ. փոխանցում է BBC-ն:

Հույճժոու նահանգում ժամը 11:00-ին որոտացած պայթյունի պատճառը դեռևս հայտնի չէ:

Չինաստանը հանդիսանում է ածխահանքերի շահագործում իրականացնող խոշորոգույն երկրներից մեկն աշխարհում, սակայն ածխահանքերի անվտանգության պայմանները երկրում անհրաժեշտ չափով միշտ չեն պահպանվում, որը պարբերաբար հանգեցնում է աղետների:

Անցյալ տարի Չինաստանում զոհվել էր ավելի քան 2 հազար հանքափոր: