Արծվիկ Մինասյանը հրապարակավ կընդունի և ներողություն կխնդրի եղբոր փոխարեն, եթե...

Facebook սոցցանցի օգտատեր Արթուր Մինասյանը ԱԺ «Հայ Յեղափոխական Դաշնակցություն» խմբակցության պատգամավոր Արծվիկ Մինասյանի էջում գրել է. «Ձեր եղբորը, բարի եղեք, կարգի հրավիրեք, էս ի՞նչ լկտիություն է», և ավելացրել է տեսանյութ, որում երևում է, թե ինչպես են հերթական ակցիայի ժամանակ պատմության ֆակուլտետի դեկանի տեղակալն ու Երևանի պետական համալսարանի անվտանգության աշխատակիցներն ընդհատել այն ու ծեծել ակցիայի կազմակերպիչներից մեկին:

Արծվիկ Մինասյանը, պատասխանելով օգտատիրոջը, գրել է. «Ձեր բառերից ակնհայտ է դառնում, որ կամ իրականությունը չգիտեք կամ կանխամտածված խեղաթյուրում եք այն: Կարծում եմ, որ լկտիություն է տարրական տրամաբանությամբ չառաջնորդվելով բարոյականության և օրենքի նորմերի խախտումը քողարկելու նպատակով նախահարձակ լինելը: Այս դեպքում այն արտահայտվում է, ոչ միայն առաջին հայացքից կրթության հետ աղերս չունեցող իբր ակցիա իրականացնոց երիտասարդների պահվացքով, այլ նաև նրանց հակաիրավական, հակաբարոյական և ժողովրդավարության հետ առնչություն չունեցող վարքագիծը արդարացնելով և խրախուսելով: Դուք և Ձեր նմանները կարիք ունեք արտահատվելուց առաջ փաստերը համադրել, ծանր ու թեթեև անել, նոր արտահատվել: Իմ խորհուրդն է Ձեզ, առավել ևս, որ Մինասյան եք: Դրանով է պայմանավորված նաև իմ մեղմ արձագանքը: Հրավիրում եմ Ձեզ ԱԺ հանդիպման՝ երկուշաբթի օրը (26.11.2013թ.) ժամը 15-ին (ըստ ԱԺ շենք մտնելու կանոնների Ձեր անձնագիրը պետք է վերցնեք Ձեզ հետ: Հայտ իջեցնելու համար կարող եք զանգահարել 010-513694 հեռախոսահամարով): Եթե ինձ համոզեք, որ պատմության ֆակուլտետի դեկանի գործողություններում որևէ հակաիրավական վարքագիծ կա, ես խոստանում եմ հրապարակային ընդունել դա և ներողություն խնդրել, իսկ եթե ոչ, ապա ակնկալում եմ Ձեր ներողությունը' Ձեր բառերի և օգտագործված արտահայտությունների համար: Հւոսամ Ձեր մոտեցումները միայն վիրտուալ տարածության մեջ չեք ներկայացնում, այլ նաև պատրաստ եք զրուցել դեմ առ դեմ»: