Դատարանը մերժել է Ալեն Սիմոնյանի հայցն ընդդեմ լրագրող Վահե Մակարյանի

ՄՔաղաքացիական դատարանի դատավոր Նոնա Գալստյանը որևէ զրպարտություն կամ վիրավորանք չի տեսել ինձ պատկանող MakaryanNews տելեգրամյան ալիքում Ալեն Սիմոնյանի հասցեին տարբեր անձանց կողմից որպես «պոռնոդերասան» բնութադրումների վերաբերյալ հիշատակման մեջ` մերժելով ԱԺ նախագահի հայցն ու չբավարարելով 1 մլն դրամ փոխհատուցում տրամադրելու վերաբերյալ պահանջը:

 

Առաջին ատյանի դատարանում տարած հաղթանակի համար ես շնորհակալ եմ նախ` իմ պրոֆեսիոնալ և հրաշալի փաստաբան լիլիթ Ենոքյանին, որ կարողացել է շատ համոզիչ կերպով դատարանին ներկայացնել մեր փաստարկները, ապա` դատավոր Նոնա Գալստյանին, որը շատ համոզիչ կերպով համոզվել է իմ փաստաբանի ներկայացրած փաստարկների համոզիչ լինելու մեջ և արդար որոշում կայացրել, ինչպես նաև Ալենի փաստաբան Զարուհի Կարապետյանին, որը շատ «պրոֆեսիոնալ» և համոզիչ կերպով այս էլ երկրորդ անգամ դատարանում տապալում է Ալեն Սիմոնյանի կողմից իմ դեմ ներկայացված հայցերը և, վերջապես, հենց իրեն` բուն Ալենին` այսպիսի անհեթեթ ու էժանագին դրվագներով իմ դեմ դատական հայցեր ներկայացնելու և դատարանում բարեհաջող պարտվելու համար»,– գրել է նա։