Նոյեմբերյանում 26-ամյա տղան բռնաբարել է 83-ամյա տատիկին (ֆոտո)

ՀՀ ոստիկանության Նոյեմբերյանի քննչական բաժանմունքում հարուցվել է քրեական գործ' ՀՀ ՔՕ 138-րդ հոդվածի առաջին մասի հատկանիշներով:

Ինչպես հայտնում է ֆոտոլրագրող Գագիկ Շամշյանը, նշված քրգործը հարուցվել է Լոռու մարզի Կողբ գյուղում վարձակալական հիմունքներով բնակություն հաստատած, 26-ամյա Արմեն Սարուխանյանի նկատմամբ:

Հոկտեմբերի 17-ի՝ լույս 18-ի գիշերը` ժամը 1-ի սահմաններում, նա մտել է Կողբ գյուղի բնակիչ, 83-ամյա Ա.Ա.-ի տուն և նրա նկատմամբ բռնություն կիրառելով' բռնաբարել է ծեր կնոջը:

Արմեն Սարուխանյանը մի անգամ արդեն՝ 2009 թվականին, 3 տարի 15 օր ժամկետով ազատազրկման է դատապարտվել սեռական ոտնձգության փորձ կատարելու մեղադրանքով, սակայն այս տարվա մայիսին համաներմամբ ազատ է աձակվել:

Առաջին անգամ դատապարտվելիս Սարուխանյանը պայմանագրային զինծառայող է եղել, և նրա նկատմամբ քրգործն այն ժամանակ հարուցվել է ՔՕ 34-138-րդ հոդվածի 1-ին հատկանիշներով:

Երիտասարդն այժմ գտնում է ոստիկանության Նոյեմբերյանի բաժնի ձերբակալվածների պահման վայրում:

83-ամյա կինը ամուսնացած է, ունի երեխաներ:

Արմեն Սարուխանյանը Կողբ գյուղում ծեր կնոջ հարևանն է եղել, բնակվել է մենակ:

Լուսանկարները` Գագիկ Շամշյանի