Վարդգես Գասպարին բերման ենթարկեցին

Բանակում խաղաղ պայմաններում մահացած զինծառայողների մայրերին ամենշաբաթյա ցույցին այսօր կառավարության դիմաց միացել էին Ազգային ժողովի «Ժառանգություն» խմբակցության պատգամավոր Զարուհի Փոստանջյանն ու Հայ ազգային կոնգրեսի անդամ Վարդգես Գասպարիին:

Վերջինս կառավարության նիստից հետո շենքի կենտրոնական մուտքից դուրս եկող ոստիկանապետ Ալիկ Սարգսյանի հասցեին վիրավորական խոսքեր հնչեցրեց:

Վայրկյաններ անց ոստիկանները շրջապատեցին ցուցարարներին և փորձեցին բերման ենթարկել Գասպարիին:

Ակտիվիստին պաշտպանելու շտապեցին Զարուհի Փոստանջյանն ու ցուցարարները։

Գասպարին, իր սովորության համաձայն, պառկեց գետնին, իսկ Փոստանջյանը՝ նրա վրա՝ ակնկալելով, որ ոստիկանները հաշվի կառնեն իր՝ պատգամավորի անձեռնմխելիությունը և ձեռք չեն տա Գասպարիին։ Բայց այս ինքնազոհությունը ապարդյուն էր. ոստիկանները Գասպարիի ձեռքերից ու ոտքերից բռնելով՝ նրան նստեցրին ոստիկանական մեքենան և տարան ոստիկանության բաժին։

Տեսանյութը` Գագիկ Շամշյանի