Վրաերթի հետևանքով 16-ամյա աղջկան տեղափոխել են հիվանդանոց

ԼՈՒՐԵՐ.com-ին ֆոտոլրագրող Գագիկ Շամշյանի հաղորդած տվյալներով՝ ժամը 15.30-ի սահմաններում Քանաքեռ-Զեյթուն վարչական շրջանի Ներսիսյան փողոցի թիվ 7 շենքի դիմաց «ՎԱԶ 2108» մակնիշի 04 ՏՏ 994 համարանիշի ավտոմեքենայի վարորդ, «Լյուքս» խանութների

ցանցի տնօրեն, 31-ամյա Արտակ Մանուկյանը վրաերթի է ենթարկել թիվ 48 միջնակարգ դպրոցի 12-րդ դասարանի աշակերտուհի, 16-ամյա Անուշ Գիչյանին, ով մարմնական վնասվածքներով տեղափոխվել է Քանաքեռ-Զեյթունի բժշկական կենտրոն:

Ավտոմեքենայի վարորդը փախուստի չի դիմել, այլ օգնել է երիտասարդ աղջկան հիվանդանոց տեղափոխելուն: Դեպքի վայրում քննչական աշխատանքները ղեկավարում էր ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի հատկապես կարևորագույն գործերով ավագ քննիչ Կարեն Ստեփանյանը: Նրա հանձնարարականով, մեքենան տեղափոխվել է Երևանի ՃՈ տուգանային հրապարակ: Փաստի առթիվ, ՃՏ քննության բաժնում նյութեր են նախապատրաստվում:

Լուսանկարները` Գագիկ Շամշյանի