«Մերսեդեսը» վթարի է ենթարկվել. կան վիրավորներ (ԼՐԱՑՎԱԾ՝ ՖՈՏՈ, ՏԵՍԱՆՅՈՒԹ)

Այսօր՝ հոկտեմբերի 25-ին, ավտովթար է տեղի ունեցել Արմավիրի մարզում:

Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 11.30-ի սահմաններում «Մերսեդես» մակնիշի 24 ՏՕ 242 համարանիշի ավտոմեքենայի վարորդը, ավտոմեքենան վարելով մեծ արագությամբ, դուրս է եկել երթևեկելի գոտուց, հարվածել մայթեզրի մի քանի ծառերի, այնուհետև վթարի է ենթարկվել ու հայտնվել ճանապարհամերձ դաշտում:

Վթարի հետևանքով երկու հոգի մարմնական վնասվածքներով տեղափոխվել են Վաղարշապատի հիվանդանոց:

Այս պահին դեպքի վայր են ժամանել ոստիկանության քննչական գլխավոր վարչության Արմավիրի մարզային վարչության քննչական բաժնի Վաղարշապատի քննչական բաժանմունքի քննիչները` քննիչ Պետրոս Բոյաջյանի գլխավորությամբ:

Ոստիկանությունը ձեռնարկում է միջոցառումներ՝ պարզելու համար վարորդի և վիրավոր անձանց ինքնությունը:

Դեպքի վայրում են նաև Ճանապարհային ոստիկանության 2-րդ սպայական գումարտակի 1-ին վաշտի աշխատակիցները՝ հրամանատարի տեղակալ Տիգրան Գրիգորյանի գլխավորությամբ:

Արդեն դեպքի վայր է հրավիրվել քարշակ, որի օգնությամբ կիրականացվի քննիչի հանձնարարականը. ավտոմեքենան կտեղափոխվի ոստիկանության Վաղարշապատի բաժնի տուգանային հրապարակ:

Լուսանկարները և տեսանյութերը` Գագիկ Շամշյանի