Վրաերթի է ենթարկվել դեսպանատան առաջին քարտուղարը (ՖՈՏՈ)

Այսօր՝ փետրվարի 1-ին, վրաերթ է տեղի ունեցել Երևանում։

Ինչպես Լուրեր.com–ին հայտնում է ֆոտոլրագրող Գագիկ Շամշյանը, ժամը 09.20-ի սահմաններում Երևանի բնակիչ 24-ամյա Արման Մնացականյանը, վարելով «ՎԱԶ 2107» մակնիշի 13 ՏԼ 629 համարանիշի ավտոմեքենան, Հյուսիսային ճառագայթների 16ա շենքի դիմաց, վրաերթի է ենթարկել Իրանի քաղաքացի, Հայաստանում Իրանի իսլամական հանրապետության դեսպանատան ընդհանուր բաժնի առաջին քարտուղար, 41-ամյա Մովսեն Էբհրամինի Մազանանին։ Վրաերթի ենթարկվածն ուսի կոտրվածքով տեղափոխվել է «Նաիրի» բժշկական կենտրոն։

Ոստիկանության Արաբկիրի բաժնի և ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի աշխատակիցների կողմից ձեռնարկված օպերատիվ, բացատրական աշխատանքների արդյունքում վրաերթի հեղինակն ինքնակամ ներկայացել է ոստիկանություն։

Փաստի առթիվ ՃՏՀ քննության բաժնում նյութեր են նախապատրաստվում։

Լուսանկարները՝ Գագիկ Շամշյանի։