«Սեւ PR-ն էլ է PR». «Jose» ռեստորանային համալիրի տնօրենի պարզաբանումները (ՖՈՏՈ, ՏԵՍԱՆՅՈՒԹ)

«Jose» ռեստորանային համալիրի տնօրեն Գեորգի Հարությունյանը Լուրեր.com-ի հետ զրույցում հերքեց տեղեկություններն այն մասին, որ նախօրեին իրենց ռեստորանային համալիրում կռիվ է եղել, որի արդյունքում՝ ծեծի է ենթարկվել ռեստորանի այլեւս նախկին սեփականատեր Մհեր Ավետիսյանի եղբայրը։ «Այդպիսի միջադեպ չի եղել. չեմ կարծում, որ նախկին սեփականատիրոջ կամ նրա եղբոր դեմ կարող էր այդպիսի բան լինել։ Ուղղակի լրագրողները շատ են սիրում խոսել մեր ռեստորանային համալիրի մասին եւ նորանոր պատմություններ հնարել։ Երեկ մեր ռեստորանում Կարպիս Թիթիզյանի ծննդյան արարողությունն էր, եւ ամբողջ հայկական շոու բիզնեսի աստղերն այստեղ էին»,– ասաց նա։

Համաձայն որոշ տեղեկությունների՝ ռեստորանում կռվի է բռնվել երգչուհի Քրիստինե Պեպելյանի հետ ռեստորան այցելած նրա ամուսինը՝ Արամը, որն իրենց պատվերը ուշացնելու համար ծեծել է Մհեր Ավետիսյանի եղբորը։ Գեորգի Հարությունյանը մեզ հետ զրույցում նկատեց, որ Քրիստինե Պեպելյանը վերջին անգամ ռեստորանում եղել է երգչուհի Լիլիթ Հովհաննիսյանի եւ երգահան Վահրամ Պետրոսյանի հարսանիքին։ «Նույնիսկ չեմ կարող հասկանալ, թե ինչու են նման խոսակցություններ շրջանառվում»,– նկատեց «Jose» ռեստորանային համալիրի տնօրենը։
Վերջինիս հետ զրուցել եւ մեկնաբանություններ է խնդրել Գագիկ Շամշյանը։ Զրույցի մանրամասները կներկայացնենք քիչ անց՝ տեսանյութով։
Ավելացնենք, որ «Jose» ռեստորանային համալիրը Մհեր Ավետիսյանից՝ Արարատյան թեմի առաջնորդ արքեպիսկոպոս Նավասարդ Կճոյանի սանիկից, գնել է ՀՀԿ–ական պատգամավոր, գործարար Հարություն Փամբուկյանը։

Լուսանկարները և տեսանյութը՝ Գագիկ Շամշյանի։

{gallery}shamshyan/jose{/gallery}