38-ամյա երիտասարդը, ըստ նախնական տեղեկությունների, կրակել է իր վրա (ՖՈՏՈ)

Այսօր՝ փետրվարի 7-ին, ինքնասպանության փորձ է տեղի ունեցել Երևանում։

Ինչպես դեպքի վայրից Լուրեր.com–ին հայտնում է ֆոտոլրագրող Գագիկ Շամշյանը, ժամը 20.50-ի սահմաններում ոստիկանության Արաբկիրի բաժնին «Երազ» բնակելի թաղամասի անվտանգության ծառայության աշխատակիցը հայտնել է, որ «Լամպերի գործարանի» հարևանությամբ գտնվող արհեստական լճի մոտ մի տղամարդ է ընկած։ Այս պահին դեպքի վայր են ժամանել ոստիկանության Արաբկիրի բաժնի օպերատիվ խումբը՝ Արաբկիրի ոստիկանապետ, ոստիկանության գնդապետ Արթուր Մեհրաբյանի գլխավորությամբ։

Արաբկիրի բաժնի պարեկապահակային ծառայության աշխատակիցների կանչով դեպքի վայր են ժամանել «1-03» շտապօգնության բրիգադը, ովքեր վիրավոր անձին տեղափոխել են «Արմենիա» բժշկական կենտրոն։ Վիրավոր անձի մոտ՝ գետնին՝ ձյան մեջ, ընկած էր մեկ բջջային հեռախոս, պնևմատիկ ատրճանակ, ամբողջովին դատարկված մեկ օղու շիշ և մեկ ամբողջովին դատարկված էսենցիայի պիտակով շիշ։ Արդեն դեպքի վայր է ժամանում ոստիկանության քննչական գլխավոր վարչության Արաբկիրի քննչական բաժնի քննիչը։ Փաստի առթիվ ոստիկանության Արաբկիրի բաժնում նյութեր են նախապատրաստվում։

Հիվանդանոց տեղափոխվածը 38-ամյա Արմեն Թութունջյանն է, ում գլխին կա հրազենային վնասվածք։ Թե ի՞նչն է եղել պատճառը. դա կպարզվի քննության ընթացքում։

Դեպքի վայրում հավաքվածները ֆոտոլրագրողին պատմել են՝ «Լավ ա, «Երազ»–ի անվտանգության աշխատակիցներն ու Արաբկիրի ոստիկանները ժամանակին տեղ են հասել և նրանց կանչով վիրավորին տեղափոխել են հիվանդանոց, հակառակ դեպքում հնարավոր էր դեպքը ողբերգությամբ ավարտվեր»։ Այս պահին նա գտնվում է հիվանդանոցի վերակենդանացման բաժանմունքում։

Լուսանկարները՝ Գագիկ Շամշյանի։

{gallery}shamshyan/inqnaspan0702{/gallery}