38-ամյա երիտասարդը, ով կրակել էր իր վրա, հիվանդանոցում մահացավ (ՖՈՏՈ)

Քիչ առաջ ֆոտոլրագրող Գագիկ Շամշյանը Լուրեր.com–ին հայտնեց, որ այսօր՝ փետրվարի 7-ին, «Արմենիա» բժշկական կենտրոն տեղափոխված 38-ամյա Արմեն Թութունջյանը, հիվանդանոցում գիտակցության չգալով, մահացավ։

Ինչպես դեպքի վայրից Լուրեր.com–ին հայտնել էր ֆոտոլրագրող Գագիկ Շամշյանը, ժամը 20.50-ի սահմաններում ոստիկանության Արաբկիրի բաժնին «Երազ» բնակելի թաղամասի անվտանգության ծառայության աշխատակիցը հայտնել էր, որ «Լամպերի գործարանի» հարևանությամբ գտնվող արհեստական լճի մոտ մի տղամարդ էր ընկած։ Դեպքի վայր էին ժամանել ոստիկանության Արաբկիրի բաժնի օպերատիվ խումբը՝ Արաբկիրի ոստիկանապետ, ոստիկանության գնդապետ Արթուր Մեհրաբյանի գլխավորությամբ։

Արաբկիրի բաժնի պարեկապահակային ծառայության աշխատակիցների կանչով դեպքի վայր էին ժամանել «1-03» շտապօգնության բրիգադը, ովքեր վիրավոր անձին տեղափոխել էին «Արմենիա» բժշկական կենտրոն։ Վիրավոր անձի մոտ՝ գետնին՝ ձյան մեջ, ընկած էր մեկ բջջային հեռախոս, պնևմատիկ ատրճանակ, ամբողջովին դատարկված մեկ օղու շիշ և մեկ ամբողջովին դատարկված էսենցիայի պիտակով շիշ։ Դեպքի վայր էր ժամանել ոստիկանության քննչական գլխավոր վարչության Արաբկիրի քննչական բաժնի քննիչը։ Փաստի առթիվ ոստիկանության Արաբկիրի բաժնում նյութեր են նախապատրաստվում։

Հիվանդանոց տեղափոխվածը 38-ամյա Արմեն Թութունջյանն էր, ում գլխին կար հրազենային վնասվածք։ Թե ի՞նչն է եղել պատճառը. դա կպարզվի քննության ընթացքում։

Լուսանկարները՝ Գագիկ Շամշյանի։

{gallery}shamshyan/inqnaspan0702{/gallery}