Խոշոր ավտովթար Լոռու մարզում. կա 1 զոհ, 3 վիրավոր (ՖՈՏՈ)

Այսօր՝ փետրվարի 8-ին, խոշոր ավտովթար է տեղի ունեցել Լոռու մարզում։

Ինչպես դեպքի վայրից Լուրեր.com–ին հայտնում է ֆոտոլրագրող Գագիկ Շամշյանը, ժամը 21.00-ի սահմաններում Վանաձոր–Սպիտակ ավտոճանապարհի 3-րդ կմ–ի հատվածում՝ Արջուտ գյուղի ճանապարհին, իրար են բախվել «ՎԱԶ 2103» մակնիշի 36 ՕՍ 728 համարանիշի և «ՎԱԶ 2105» մակնիշի 45 ՍԼ 856 համարանիշի ավտոմեքենաները։

Վթարի հետևանքով Վանաձորի թիվ 1 հիվանդանոց են տեղափոխվել 4 հոգի՝ մարմնական ծանր վնասվածքներով։ Գ. Շամշյանը հայտնում է, որ հիվանդանոց տեղափոխվածներից «ՎԱԶ 2105»–ի ուղևոր, Արթիկ քաղաքի 56-ամյա բնակիչ Սուսաննա Նաջարյանը մահացել է, իսկ «Վազ 2105»–ի վարորդ, Ս. Նաջարյանի որդին՝ 30-ամյա Հովիկ Թումանյանը և «ՎԱԶ 2103»–ի վարորդ, Վանաձոր քաղաքի բնակիչ, 46-ամյա Արթուր Սարգսյանն ու նրա ուղևոր և որդի 17-ամյա Դավիթ Սարգսյանը գտնվում են հիվանդանոցում։ Վիրավորներից 2-ի վիճակը բժիշկները գնահատում են միջին ծանրության, իսկ մեկինը՝ ծայրահեղ ծանր։

Վթարի վայր են ժամանել ճանապարհային ոստիկանության 2-րդ սպայական գումարտակի 5-րդ վաշտի աշխատակիցները՝ հրամանատար Վարդան Նարգիզյանի գլխավորությամբ։ Գ. Շամշյանը հայտնում է, որ փաստի առթիվ ոստիկանության քննչական գլխավոր վարչության Լոռու մարզի քննչական բաժնում հարուցվել է քրեական գործ ՀՀ Քրօր–ի 242 հոդվածի հատկանիշներով։ Ավտոմեքենաները քննիչի հանձնարարականով տեղափոխվում են ոստիկանության 2-րդ սպայական գումարտակի 5-րդ վաշտի տուգանային հրապարակ։

Լուսանկարները՝ Գագիկ Շամշյանի։

{gallery}shamshyan/lori08{/gallery}