Բնապահպանները ոստիկանների օրինակով շղթա կազմեցին (ՖՈՏՈՇԱՐՔ, ՏԵՍԱՆՅՈՒԹ)

Այսօր՝ փետրվարի 17-ին, մի խումբ բնապահպանները կրկին հավաքվել էին Մաշտոցի այգում, որպեսզի արգելեին այնտեղ կատարվող շինարարությունը:

Ինչպես Լուրեր.com-ին հայտնում է ֆոտոլրագրող Գագիկ Շամշյանը բնապահպաններն ու այգու համար պայքարող քաղաքացիները վանկարկում էին, «Անօրեն ոստիկան», «բուտիկ պահող ոստիկաններ», «Ամո’թ», «Մի ծախվեք մի քանի օլիգարխների», «Այս այգում խաղալու են մեր և ձեր երեխաները»- այս և այլ կոչերով ակցիայի մասնակիցնեը փորձում էին մտնել հանրային այգու տարածք:

Նրանց մուտքը արգելում էին 50-ից ավելի ոստիկանության աշխատակիցներ:

Ոստիկաններին հրահանգներ էր տալիս Կենտրոնականի բաժնի պետի ծառայության գծով տեղակալ Արայիկ Պետրոսյանը:

Ակցիային մասնակցում էր ԱԺ պատգամավոր Զարուհի Փոստանջյանը, ինչպես նաև Ժիրայր Սեֆիլյանը, Տիգրան Խզմալյանը և այլոք:

Ակցիայի մասնակիցները տեսնելով, որ չեն կարողանում ըստ իրենց չեն կարող ճեղքել ոստիկանների շղթան, իրենք էլ իրենց հերթին շղթայի մեջ առան շինարարության վայր ժամանած շինարարական տեխնիկան:

Պուրակ ժամանեցին Երևանի ոստիկանության պետ, ոստիկանության գեներալ-մայոր Ներսես Նազարյանը, Կենտրոնականի ոստիկանության պետ Սարգիս Մարտիրոսյանը, վերջիններս հանդիպեցին ակցիայի մասնակիցներին և բնապահպաններին և հայտնեցին, որ նշված հատվածում շինարարական աշխատանքները կատարվում են օրենքի սահմաններում, իսկ ոստիկանները պահպանում են հասարակական կարգը:

Այս պահին բողոքի ակցիայի մասնակիցների և պատկան մարմինների միջև բանակցությունները շարունակվում են:

Լուսանկարները և տեսանյութերը՝ Գագիկ Շամշյանի։

{gallery}shamshyan/mashtoc1702{/gallery}