Ազատան գյուղի ճանապարհին իրար են բախվել «Ռենջ ռովեր»–ն ու կաթի ավտոմեքենան. կան վիրավորներ (ՖՈՏՈ)

Այսօր՝ փետրվարի 18-ին, ավտովթար է տեղի ունեցել Շիրակի մարզում։

Ինչպես Լուրեր.com–ին հայտնում է ֆոտոլրագրող Գագիկ Շամշյանը, ժամը 13.00-ի սահմաններում Երևան–Գյումրի ավտոճանապարհի Ազատան գյուղի հատվածում իրար են բախվել «Ռենջ ռովեր» մակնիշի 20 ՏՏ 440 համարանիշի և «ԳԱԶ 5312» մակնիշի 639 ՏՍ 46 համարանիշի ավտոմեքենաները։

Վթարի հետևանքով «Ռենջ ռովեր»–ի վարորդ, Գյումրու բնակիչ Արմեն Գրիգորյանն ու նրա ուղևոր Հովհաննես Ասլանյանը մարմնական վնասվածքներով տեղափոխվել են Գյումրիի Գյուլբենկյանի անվան հիվանդանոց։ Վթարի վայր են ժամանել ճանապարհային ոստիկանության 2-րդ սպայական գումարտակի 2-րդ դասակի աշխատակիցները՝ հրամանատարի տեղակալ Գևորգ Դավթյանի գլխավորությամբ։ Մինչ դեպքի վայր կժամանեին ՃՈ աշխատակիցներն ու ոստիկանության քննչական գլխավոր վարչության Շիրակի մարզի քննչական բաժնի քննիչը, «Ռենջ ռովեր»–ի վրայից հանել էին համարանիշները։

«ԳԱԶ 5312» մակնիշի ավտոմեքենան պատկանում է «Իգիթ» ՍՊԸ–ին, որի վարորդը եղել է Արտյոմ Միքայելյանը։ Փաստի առթիվ ոստիկանության Շիրակի քննչական բաժնում նյութեր են նախապատրաստվում։

{gallery}shamshyan/shirak1802{/gallery}