Հերթական գայլը վնասազերծվել է այս անգամ Արարատի մարզում (ՖՈՏՈ, ՏԵՍԱՆՅՈՒԹ)

Այսօր` փետրվարի 19-ին, Արարատի մարզում գայլ է վնասազերծվել:

Ինչպես Լուրեր.com-ին հայտնում է ֆոտոլրագրող Գագիկ Շամշյանը, արդեն մի քանի օր է` Արարատի մարզի Նոր Կյուրին գյուղում գյուղացիները արդեն քանի գիշեր է լուսացնում են ահը սրտներում, թե` «ուր որ է գելը վրա կտա իրենց հոտին»: Անգամ գյուղում կատակում էին նաև, թե` «ով գելին խփի, էլ չեն սպասելու պետության փոխհատուցմանը, այլ իրենք մի լավ տնական արաղ են խմցնելու խփողին»:

Այսօր` գիշերը ժամը 02.00-ի սահմաններում, գյուղի բնակիչները` թվով 10 հոգի, որոնք հիմնականում որսորդներ են, տեղեկություն են ստանում, որ հսկայական գայլը գյուղի տարածքում է: Ժամը 03.00-ի սահմաններում գյուղի բնակիչ, 26-ամյա Գագիկ Սարգսյանը, ով 6 տարվա որսորդ է, կարողանում է գյուղից մոտ 500 մետր հեռավորության վրա մեկ կրակոցով վնասազերծել գայլին:

Ըստ գյուղացիների` վնասազերծված գայլը հնարավոր է ձագով է: Տարիներ առաջ Գագիկի հայրը` Գուրգենը, ով նույնպես որսորդ է, կարողացել է վնասազերծել մեկ այլ գայլի:

Կատարվածի մասին Գ. Շամշյանը հայտնել է Բնապահպանության նախարարություն, որտեղից հայտնել են, որ առավոտյան Գ. Սարգսյանը կարող է իր կողմից վնասազերծված գայլով ներկայանալ նախարարության համապատասխան ծառայություն և ստանալ պետության կողմից խոստացված 100 հազար դրամ պարգևավճարը: Հիշեցնենք, որ հինգշաբթի օրը կառավարությունը պահուստային ֆոնդից Բնապահպանության նախարարությանը հատկացել էր 20 մլն դրամ, որպեսզի ամեն մի խփված գայլի համար որպես պարգևատրում քաղաքացին ստանա 100 հազար դրամ:

Լուսանկարները և տեսանյութը` Գագիկ Շամշյանի:

{gallery}shamshyan/gaylararat{/gallery}