Ավտովթար Արմավիրի մարզում. պարզվել է զոհի և վիրավորի ինքնությունը (ՖՈՏՈ, ՏԵՍԱՆՅՈՒԹ)

Երեկ Մեծամորի բժշկական կենտրոն էին տեղափոխել մի երիտասարդի: Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, քննչական մարմինը պարզել է, որ երեկ Երևան-Արմավիր ավտոճանապարհին տեղի ունեցած ավտովթարի ենթարկվածների ինքնությունը պարզվել է:

Վարորդը Արմավիրի մարզի Ալաշկերտ գյուղի բնակիչ, 30-ամյա Տարոն Ավետիսյանն է եղել, ով կրծքավանդակի և աջ կոնքի ազդրային շրջանի սալջարդ ախտորոշմամբ, տեղափոխվել է Մեծամորի բժշկական կենտրոն, իսկ ուղևորը` Արմավիրի մարզի Ալաշկերտ գյուղի բնակիչ, 29-ամյա Կարեն Գաբրիելյանը, տեղում մահացել է:

Կարեն Գաբրիելյանը աշխատել է ոստիկանության Պետական պահպանության գլխավոր վարչության Արմավիրի պահպանության բաժնում որպես ավագ:

Հիշեցնենք, որ ինչպես ավելի վաղ դեպքի վայրից News.armeniatv.com-ին հայտնել էր ֆոտոլրագրող Գագիկ Շամշյանը, ավտովթար է տեղի ունեցել Արմավիրի մարզում: Երևան-Արմավիր ավտոճանապարհին՝ Արմավիր քաղաքի սկզբնամասում, «ՎԱԶ-2106» մակնիշի 63 ԼԼ 515 համարանիշի ավտոմեքենայի վարորդը դուրս է եկել ճանապարհի բանուկ մասից եւ բախվել էլեկտրասյանը: Հարվածն այնքան ուժգին է եղել, որ էլեկտրասյունը շրջվել է, իսկ հոսանքի լարերը՝ պոկվել եւ թափվել գետնին: Վթարի հետեւանքով վարորդը ծանր մարմնական վնասվածքներով տեղափոխվել է Արմավիրի բժշկական կենտրոն, իսկ ուղեւորը տեղում մահացել: Դեպքի վայր են ժամանել ճանապարհային ոստիկանության 2-րդ սպայական գումարտակի 1-ին վաշտի աշխատակիցները հրամանատարի տեղակալ Տիգրան Գրիգորյանի գլխավորությամբ: Դեպքի վայրում են նաեւ ոստիկանության քննչական գլխավոր վարչության Արմավիրի քննչական բաժնի քննիչն ու փորձագետը: Քննիչի հանձնարարականով ավտոմեքենան տեղափոխվեց ոստիկանության Արմավիրի բաժնի տուգանային հրապարակ: Փաստի առթիվ Արմավիրի քննչական բաժնում հարուցվել է քրեական գործ ՀՀ քրօրի 242 հոդվածի հատկանիշներով (ճանապարհատրանսպորտային պատահար, որն անզգուշությամբ առաջացրել է մարդու մահ): Դեպքի վայրում հավաքվածները ֆոտոլրագրողին հայտնել են, որ մահացածը ոստիկանության աշխատակից էր: Ոստիկանությունը միջոցառումներ է ձեռնարկում պարզելու համար մահացածի եւ վիրավոր ինքնությունը:

Լուսանկարները և տեսանյութը` Գագիկ Շամշյանի: