Մարգար Օհանյանը պնդում է, որ իր նկատմամբ քրգործը կարվել է ՀՀ ոստիկանության նախկին ղեկավարության ցուցումով (ՖՈՏՈՇԱՐՔ)

Այսօր՝ փետրվարի 20-ին, ժամը 14.00-ին, սկսվեց ճանապարհային ոստիկանության նախկին պետ Մարգար Օհանյանի գործով դատավարությունը։

Ինչպես դատարանից Լուրեր.com–ին հայտնում է ֆոտոլրագրող Գագիկ Շամշյանը, դատական նիստն ընդմիջվել էր այսօր առավոտյան, քանի որ Մ. Օհանյանի պաշտպան Մ. Վասակյանը միջնորդություն էր ներկայացրել դատարանին, որպեսզի իր պաշտպանյալի խափանման միջոցը փոխվեր։

Դատավորը, վերադառնալով խորհրդակցական սենյակից, մերժեց պաշտպանի միջնորդությունը, որից հետո ցուցմունք տվեց Մարգար Օհանյանը։

Վերջինս ցուցմունքի հենց սկզբում հայտնեց, որ ինքը չի ընդունում իրեն առաջադրված մեղադրանքները և քրեական այս գործն իր նկատմամբ կարվել է ՀՀ ոստիկանության նախկին ղեկավարության կողմից, քանի որ ինքն աշխատանքային անհամաձայնություններ է ունեցել ՀՀ ոստիկանության նախկին պետ Ալիկ Սարգսյանի հետ։ Մարգար Օհանյանը դատարանին հայտնեց նաև, որ իր ղեկավարած տարիներին ճանապարհային ոստիկանությունում յուրացումներ չեն եղել։

Մարգար Օհանյանի ցուցմունքն ավելի մանրամասն կներկայացնենք տեսանյութով։ Այս պահին Մարգար Օհանյանն ավարտել է ցուցմունքը և պատասխանում է մեղադրող դատախազ Հարություն Հարությունյանի հարցերին։ Դատական նիստը շարունակվում է։ Իր ցուցմունքում Մ. Օհանյանը հայտնեց նաև, որ անգամ ՀՀ ոստիկանության նախկին ղեկավարությունն աշխատանքից ազատել է անգամ ոստիկանության համակարգում աշխատող այն պաշտոնյաներին, ովքեր այցելել են իրեն։

Լուսանկարները՝ Գագիկ Շամշյանի։

{gallery}shamshyan/margar2102{/gallery}