Փախուստի դիմած գեներալ Մանվելի սանիկի ջիպը հայտնաբերվել է (ՖՈՏՈ)

Այսօր՝ փետրվարի 21-ին, ճանապարհային ոստիկանության հետաքննչական բաժնի աշխատակիցների բացատրական աշխատանքների արդյունքում ՃՈ է ներկայացել ջիպ մակնիշի 10 ՏՏ 045 համարանիշի ավտոմեքենայի սեփականատերը։ Ինչպես Լուրեր.com–ին հայտնում է ֆոտոլրագրող Գագիկ Շամշյանը, ավտոմեքենայի սեփականատերը հետաքննիչին հայտնել է, որ իր ընկերը փետրվարի 18-ին Շիրազի փողոցում դուրս է եկել հանդիպակաց գոտի, հարվածել Երևանի բնակիչ, 69-ամյա Մաքսիմ Գալստյանի վարած «Ֆոլցվագեն» մակնիշի 30 ՍՕ 186 համարանիշի ավտոմեքենային, այնուհետև հեռացել վթարի վայրից։

Ինչպես փետրվարի 18-ին դեպքի վայրից Լուրեր.com–ին հայտնել էր ֆոտոլրագրող Գագիկ Շամշյանը, Շիրազի փողոցում ջիպ մակնիշի 10 ՏՏ 045 համարանիշի ավտոմեքենայի վարորդը, դուրս գալով հանդիպակաց գոտի, հարվածել էր Երևանի բնակիչ, 69-ամյա Մաքսիմ Գալստյանի վարած «Ֆոլցվագեն» մակնիշի 30 ՍՕ 186 համարանիշի ավտոմեքենային և դիմել փախուստի։

Դեպքի վայրում հավաքվածները ֆոտոլրագրողին պատմել էին, որ վթարից հետո ջիպի վարորդը մոտեցել էր վթարի վայրին և քմծիծաղ տալով՝ հեռացել։ Կատարվածի մասին ֆոտոլրագրողը հայտնել էր դեպքի վայր ժամանած Երևանի ՃՈ աշխատակիցներին։

Հավաքվածները պատմել էին, որ այդ ջիպը պատկանում է ԵԿՄ վարչության նախագահ Մանվել Գրիգորյանի սանիկին։

Լուսանկարները՝ Գագիկ Շամշյանի:

{gallery}shamshyan/generalmanvelsanik{/gallery}