Վրաերթ կատարողը Հայ-ռուսական (Սլավոնական) համալսարանի դոցենտ է (ֆոտո, վիդեո)

Այսօր՝ հոկտեմբերի 30-ին, ֆոտոլրագրող Գագիկ Շամշյանը ԼՈՒՐԵՐ.com-ին հայտնեց, որ ոստիկանությունը ճշտել է երեկ տեղի ունեցած վրաերթ կատարող և վրաերթի ենթարկված անձանց ինքնությունը:

Վրաերթ կատարողը Հայ-ռուսական (Սլավոնական) համալսարանի դոցենտ, 39-ամյա Դավիթ Սահակյանն է, իսկ վրաերթի ենթարկվածը Նոր Արեշի բնակիչ, 50-ամյա Նշան Առաքելյանն է:

Հիշեցնենք, որ հոկտեմբերի 29-ին, վրաերթ էր տեղի ունեցել Երևանում:

Ինչպես դեպքի վայրից ԼՈՒՐԵՐ.com-ին հայտնել էր ֆոտոլրագրող Գագիկ Շամշյանը, «Մերսեդես» մակնիշի 25 ՍՈ 222 համարանիշի ավտոմեքենայի վարորդը վրաերթի է ենթարկել հետիոտնին:

Հետիոտնը փողոցն անցելիս է եղել չթույլատրվող հատվածով:

Վրաերթ կատարողը դեպքի վայրից փախուստի չի դիմել:

Դեպքի վայր են ժամանել Երևանի Ճանապարհային ոստիկանության աշխատակիցները:

Վրաերթի ենթարկավածը, հենց դեպքի վայրից, շտապօգնության մեքենայով տեղափոխվեց «Էրեբունի» բշժկական կենտրոն:

Նա միջին տարիքի տղամարդ է:

Դեպքի վայրում քննչական աշխատանքները ղեկավարում է ոստիկանության քննչական գլխավոր վարչության, Երևանի քննչական վարչության ճանապարհատրանսպորտային հանցագործությունների քննության բաժնի քննիչ Դավիթ Մարտիրոսյանը:

Նրա հանձնարարականով, ավտոմեքենան տեղափոխվեց Երևանի ՃՈ տուգանային հրապարակ:

Դեպքի վայրում հավաքավածները պատմում էին, որ «Մերսեդես»-ը հարսանիք մեկնելուց է եղել, ինչը հստակ երևում էր նաև ավտոմեքենայի վրա առկա ժապավեններից:

Ոստիկանությունը ձեռնարկում է քննչական միջոցառումներ՝ պարզելու համար վրաերթի ենթարկվածի և վարորդի ինքնությունը:

Լուսանկարները և տեսանյութը՝ Գագիկ Շամշյանի