Կրակը մարելուց հետո հրշեջները հայտնաբերել են կնոջ այրված դին (ՖՈՏՈ)

Այսօր՝ փետրվարի 26-ին, արտակարգ դեպք է տեղի ունեցել Շիրակի մարզում։

Ինչպես Լուրեր.com–ին հայտնում է ֆոտոլրագրող Գագիկ Շամշյանը, առավոտյան ժամը 07.55-ի սահմաններում ՀՀ Արտակարգ իրավիճակների նախարարության Հայաստանի փրկարար ծառայության Աշոցքի հրշեջ–փրկարարական ջոկատ ահազանգ է ստացվել, որ Աշոցք գյուղի շվեդական թաղամասում տնակ է այրվում։

Նշված թաղամաս է մեկնել Աշոցքի հրշեջ–փրկարարական ջոկատի մեկ մարտական հաշվարկ։ Պարզվել է, որ այրվում է թիվ 3-րդ տնակը։

Կրակը մարելուց հետո ներսում հայտնաբերվել է տանտիկնոջ՝ 85-ամյա Վիկտոր Գալստյանի այրված դիակը։ Հրշեջ–փրկարարների աշխատանքը ղեկավարում է հրամանատար Ռադիկ Մկրտչյանը։

Փաստի առթիվ ոստիկանության Շիրակի մարզի քննչական բաժնում նյութեր են նախապատրաստվում պարզելու համար հրդեհի և Վ. Գալստյանի մահվան հանգամանքները։

{gallery}shamshyan/hrdeh270212{/gallery}