Mitsubishi-ն բարեբախտաբար չի հայտնվել ձորում (ֆոտո, տեսանյութ)

Այսօր՝ մարտի 2-ին, ավտովթար է տեղի ունեցել Երևանում։ Ինչպես դեպքի վայրից Լուրեր.com-ին հայտնում է ֆոտոլրագրող Գագիկ Շամշյանը, Mitsubishi Pajero մակնիշի 23 PL 222 համարանիշի ավտոմեքենայի վարորդը Ազատության պողոտայից դեպի Սարալանջի նորակառույց ճանապարհի կամուրջի տակ մերկասառույցի պատճառով դուրս է եկել ճանապարհի երթևեկելի գոտուց և բախվել երկաթե ցանցերին։ Եթե չլինեին երկաթյան նշված ցանցերը, ապա ավտոմեքենան մոտ 300 մետր գլորվելու էր և հայտնվելու 50–ամյակի հուշարձանի հարևանությամբ գտնվող ձորակում։ Բարեբախտաբար, զոհեր և վիրավորներ չկան։ Վթարի վայր է ժամանել ճանապարհային ոստիկանության հետաքննչական բաժնի հետաքննիչը։ Երեկ նույն հատվածում դարձյալ մերկասառույցի պատճառով մեկ այլ Mitsubishi Pajero էր վթարի ենթարկվել և հայտնվել ձորում։ Այդ մասիկ երեկ մեզ հայտնել էր ֆոտոլրագրող Գ. Շամշյանը։ Վթարի վայրում հավաքվածները պատմում էին, որ եթե տեղական իշխանությունները ժամանակին միջոցներ ձեռնարկեին, ապա նման վթար տեղի չէր ունենա։ 

{gallery}shamshyan/mitsubishiavaria{/gallery}