14 օր անց փրկարարները Սևանի ջրասուզակների հետ համատեղ հայտնաբերեցին ջրախեղդի դին (Ֆոտո, Տեսանյութ)

Ինչպես Լուրեր.com–ին Գեղարքունիքի մարզից հայտնում է ֆոտոլրագրող Գագիկ Շամշյանը, քիչ առաջ ՀՀ արտակարգ իրավիճակների նախարարության փրկարարական ուժերի վարչության հատուկ ջրափրկարարական ջոկատը՝ հրամանատարի տեղակալ Սարգիս Հարությունյանի և հրահանգիչ Երվանդ Նավասարդյանի գլխավորությամբ, Սևանի 2 ջրասուզակների՝ Վահե Մելքոնյանի և Արմեն Ջհմաչյանի հետ համատեղ, հայտնաբերեցին 55-ամյա Արամայիս Մանուկյանի դիակը Սևանա լճից։ Դիակը հայտնաբերել և լճից դուրս է բերել ջրասուզակ Վահե Մելքոնյանը՝ ժամը 13.00-ի սահմաններում։ Տեղում է նաև ոստիկանության քննչական գլխավոր վարչության Գեղարքունիքի մարզի քննչական բաժնի Վարդենիսի քննչական բաժանմունքի քննիչ Գարիկ Երանոսյանը, ում հանձնարարականով ժամանել են դատական բժիշկն ու փորձագետը։ Գ. Երանոսյանի կողմից նշանակվել են մի շարք փորձաքննություններ։

Ինչպես փետրվարի 18-ին, Լուրեր.com–ին հայտնել էր ֆոտոլրագրող Գագիկ Շամշյանը, փետրվարի 17-ին Կարճաղբյուր գյուղի բնակիչ, 55-ամյա Արամայիս Մանուկյանը ժամը 12.00-ի սահմաններում կնոջը հայտնել էր, որ մեկնում էր ձուկ բռնելու։

Ձուկ բռնելու նպատակով Ա. Մանուկյանը գնացել էր Կարճաղբյուր գյուղի տարածքում գտնվող «Փարոս» ռեստորանային համալիրի հարևանությամբ գտնվող Սևանա լիճ, որտեղ ցանկացել էր ձուկ բռնել։ Լիճը եղել է սառած, սակայն սառույցը կոտրվել էր, և Ա. Մանուկյանը ջրախեղդ էր եղել։

Ժամանել էր ոստիկանության Գեղարքունիքի մարզային վարչության օպերատիվ խումբը՝ վարչության պետի օպերգծով տեղակալ Արշակ Կարապետյանի գլխավորությամբ։

Դեպքի վայրում էր նաև ոստիկանության քննչական գլխավոր վարչության Գեղարքունիքի մարզի քննչական բաժնի Վարդենիսի քննչական բաժանմունքի քննիչ Գարիկ Երանոսյանը:

Փաստի առթիվ ոստիկանության Վարդենիսի քննչական բաժանմունքում քննիչ Գարիկ Երանոսյանի կողմից նյութեր են նախապատրաստվել։

Լուսանկարները և տեսանյութը՝ Գագիկ Շամշյանի:

{gallery}shamshyan/jraprkarar0203{/gallery}