Մաշտոցի պողոտայում իրար են բախվել «Մերսեդես G 500»-ը և «Ռենջ Ռովեր»-ը. կան վիրավորներ (Ֆոտո, Տեսանյութ)

Այսօր՝ մարտի 4-ին, խոշոր ավտովթար է տեղի ունեցել Երևանում։

Ինչպես դեպքի վայրից Լուրեր.com–ին հայտնում է ֆոտոլրագրող Գագիկ Շամշյանը, ժամը 01.30-ի սահմաններում Մաշտոցի պողոտայի և Խորենացի փողոցների խաչմերուկում իրար են բախվել «Ռենջ Ռովեր» մակնիշի 14 ՕՕ 346 համարանիշի և «Մերսեդես G 500» մակնիշի ավտոմեքենաները։

Դեպքի վայրում հավաքվածները ֆոտոլրագրողին պատմել են, որ մինչև ճանապարհային ոստիկանության ժամանումը, «Մերսեդես G»–ի վրայից հանել են համարանիշները: Դեպքի վայրում հավաքվածները Գ. Շամշյանին հայտնել են, որ «Մերսեդես»–ի համարանիշները եղել են 777 DՕ 77։ Ըստ դեպքի վայրում հավաքվածների պատմածի՝ վթարի մեղավորը եղել է «Մերսեդես G»–ի վարորդը։ Նա «Մերսեդես»-ով հարվածել է «Ռենջ Ռովեր»-ին, այնուհետև մոտ 200 մետր վթարված վիճակում վարել ավտոմեքենան, ապա դուրս եկել հանդիպակաց գոտի և հայտնվել մայթեզրում։ Բարեբախտաբար, մայթեզրում քաղաքացիներ չեն եղել։

Դեպքի վայրում հավաքվածները պատմել են նաև, որ շտապօգնության ավտոմեքենան 2 հոգու տեղափոխել է հիվանդանոց։ Այս պահին ժամանել են Երևանի ՃՈ աշխատակիցները։ Դեպքի վայր պետք է ժամանի նաև ոստիկանության քննչական գլխավոր վարչության ճանապարհատրանսպորտային հանցագործությունների քննության բաժնի քննիչը։

Ոստիկանությունը ձեռնարկում է աշխատանքներ՝ պարզելու համար հիվանդանոց տեղափոխված անձանց և վարորդների ինքնությունը։

{gallery}shamshyan/g500rengrover0403{/gallery}