Ավտովթար Արարատում. կա 7 վիրավոր, այդ թվում` երեքը երեխաներ

Երեկ` հոկտեմբերի 31-ին, ավտովթար է տեղի ունեցել Արարատի մարզում:

Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 21.30-ի սահմաններում Մասիս քաղաքի բնակիչ, 26-ամյա Դավիթ Մանվելյանը, վարելով «Ագա» տաքսի ծառայությանը պատկանող «ՎԱԶ 2107» մակնիշի Տ 4930 համարանիշի ավտոմեքենան, Արարատի մարզի Դալար գյուղի կենտրոնական ճանապարհին դուրս է եկել երթևեկելի գոտուց և բախվել երկաթբետոնե պատին:

Վթարի հետևանքով ավտոմեքենայի վարորդը և ուղևորներ` 21-ամյա Անի Հայրապետյանը, 2-ամյա զույգ եղբայրներ Արտյոմ և Գևորգ Հայրապետյանները, 21-ամյա Ռոման Հայրապետյանը, 25-ամյա Ստելլա Սարգսյանը, 5-ամյա Առուշան Սարգսյանը մարմնական վնասվածքներով տեղափոխեվել են հիվանդանոց:

Փաստի առթիվ ոստիկանության քննչական գլխավոր վարչության Արարատի մարզի քննչական բաժնում նյութեր են նախապատրաստվում: