Գավառի ոստիկանության դիմաց «Միցուբիշի»–ն ու «ՎԱԶ 2108»–ը բախվել են իրար (Լրացված, Ֆոտո)

Այսօր՝ մարտի 5-ին, ավտովթար է տեղի ունեցել Գեղարքունիքի մարզում։

Ինչպես Լուրեր.com–ին հայտնում է ֆոտոլրագրող Գագիկ Շամշյանը, 17.30-ի սահմաններում Գավառ քաղաքում՝ Սայադյան փողոցի 91 շենքի ոստիկանության Գավառի բաժնի դիմաց, իրար են բախվել «ՎԱԶ 2108» մակնիշի 68 ՕԼ 763 համարանիշի և «Միցուբիշի Շառլոտ» մակնիշի 24 ՍՕ 541 համարանիշի ավտոմեքենաները։ Վթարի հետևանքով Գավառի հիվանդանոց է տեղափոխվել Նորադուզ գյուղի բնակիչ 25-ամյա Սենիկ Նադարյանը։ Վթարի վայր են ժամանել ճանապարհային ոստիկանության 2-րդ սպայական գումարտակի 4-րդ վաշտի աշխատակիցները՝ հրամանատար Սերգեյ Հակոբյանի գլխավորությամբ։

Տեղում է նաև ոստիկանության քննչական գլխավոր վարչության Գեղարքունիքի մարզի քննչական բաժնի քննիչ Մարզպետ Վարդանյանը, ում կողմից նյութեր են նախապատրաստվում, իսկ վթարված ավտոմեքենաները քննիչի հանձնարարականով տեղափոխվելու են ոստիկանության Գավառի բաժնի տուգանային հրապարակ։

Քիչ առաջ Գ. Շամշյանը հայտնեց, որ հիվանդանոց բուժօգնության է դիմել նաև «Միցուբիշի Շառլոտ»–ի վարորդ, Սևանի բնակիչ, 33-ամյա Կարեն Դավթյանը։

{gallery}shamshyan/qyavar0503{/gallery}