Հովհաննես Թամամյան. «Մարգարը չէր կարող նման բան ասել» (Ֆոտո)

Այսօր՝ մարտի 6-ին, Երևանի Կենտրոն և Նոր-Մարաշ վարչական շրջանների ընդհանուր իրավասության դատարանում շարունակվեց ոստիկանության քրեական հետախուզության գլխավոր վարչության նախկին պետ, ոստիկանության գեներալ–մայոր Հովհաննես Թամամյանի գործով դատական նիստը։

Ինչպես դատարանից Լուրեր.com–ին հայտնում է ֆոտոլրագրող Գագիկ Շամշյանը, նախորդ դատական նիստը հետաձգվել էր, քանի որ ամբաստանյալ Վահան Խանզադյանը դատարանից խնդրել էր հանրային պաշտպան։ Այսօրվա դատական նիստը նույնպես հետաձգվեց, քանի որ ամբաստանյալ Արմեն Պողոսյանը դատարանից խնդրեց, որպեսզի իր շահերը դատարանում պաշտպանի փաստաբան Հայկ Ալումյանը, իսկ նախկին պաշտպանը չէր ներկայացել դատական նիստին։ Դատարանը որոշեց բավարարել միջնորդությունը, և դատական նիստը հետաձգվեց. այն նշանակվեց մարտի 14-ին։

Դատական նիստերի դահլիճում Հ. Թամամյանին հարց ուղղվեց, որ ՃՈ նախկին պետ Մարգար Օհանյանը ասել է, որ իր գլխին «սարքել է» ոստիկանության նախկին պետ, գեներալ–լեյտենանտ Ալիկ Սարգսյանը, արդյոք իր գլխին է սարքել Ալիկ Սարգսյանը։ Հարցը լսելուց հետո Հովհաննես Թամամյանը մի րոպե սպասեց և պատասխանեց, որ «Մարգարը չէր կարող նման բան ասել»։

Ինչպես ավելի վաղ Լուրեր.com–ին հայտնել էր ֆոտոլրագրող Գագիկ Շամշյանը, Հովհաննես Թամամյանը մեղադրվում է ՀՀ քրեական օրենսգրքի 308 հոդվածի 1-ին մասով՝ պաշտոնական պարտականությունները չկատարելու, անձնական շահագրգռվածությունից ելնելով դիրքը ծառայության շահերին հակառակ օգտագործելու համար, որն առաջացրել է ծանր հետեւանք:

Հովհաննես Թամամյանի հետ մեղադրվող ոստիկանության Արաբկիրի բաժնի օպերատիվ բաժնի պատասխանատու Արմեն Պողոսյանին ու ՀՀ ոստիկանության քննչական գլխավոր վարչության հատկապես կարևորագույն գործերի վարչության ավագ քննիչ Վահան Խանզադյանին առաջադրվել է պաշտոնական լիազորությունների չարաշահում հոդվածը։

Լուսանկարները՝ Գագիկ Շամշյանի։

{gallery}shamshyan/0603tamamyan{/gallery}