Ավտովթար Երևանում. իրար են բախվել «ՎԱԶ2106»-ը և «ԲՄՎ»-ն, կա վիրավոր (ՖՈՏՈ)

Այսօր` նոյեմբերի մեկին ավտովթար է տեղի ունեցել Երևանում: Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, 20:30-ի սահմանում Դավիթ Անհաղթի փողոցում իրար են բախվել «ՎԱԶ2106» մակնիշի Տ 0190 համարանիշի և «ԲՄՎ» մակնիշի 18 ՕՍ 393 համարնիշի ավտոմեքենանները:

Բախման հետևանքով 1 հոգի վթարի վայրից տեղափոխվել է հիվանդանոց:

Դեպքի վայր են ժամանել Երևանի Ճանապարհային ոստիկանության աշխատակիցները:
Վթարի վայրում քննչական աշխատանքները ղեկավարում էր ոստիկանության քննչական գլխավոր վարչության, Երևանի քննչական վարչության ճանապարհատրանսպորտային հանցագործությունների բաժնի քննիչ Խաչիկ Սամվելյանը:

Նրա հանձնարարականով, 2 ավտոմեքենաները տեղափոխվեցին Երևանի ՃՈ տուգանային հրապարակ:

Բախման հետրևանքով նշված փողոցի մեջտեղում շինարարակն աշխատանքներ կատարելու նպատակով տեղադրված բետոնե արգելապատնեշները մի քանի մասի էին բաժանվել և դուրս եկել նշված հատվածից:

Լուսանկարները` Գագիկ Շամշյանի