Ավտովթար Էջմիածնում. կա վիրավոր

Այսօր՝ մարտի 8-ին, ավտովթար է տեղի ունեցել Արմավիրի մարզում։

Ինչպես Լուրեր.com–ին հայտնում է ֆոտոլրագրող Գագիկ Շամշյանը, ժամը 21.20-ի սահմաններում Էջմիածին քաղաքի Մաշտոցի փողոցում «Սեսո իրիզա» մակնիշի 17 ՕՏ 404 համարանիշի ավտոմեքենայի վարորդ, 33-ամյա Արման Կիրակոսյանը, վարելով ավտոմեքենան, բախվել է Գևորգ Նազարյանի վարած «Լադա 2110» մակնիշի 04 ԼՕ 140 համարանիշի ավտոմեքենային։

Վթարի հետևանքով «Լադա»–ի ուղևոր, 50-ամյա Ֆրիդա Գազազյանը գլխի ճակատային մասում ստացել է վնասվածք և տեղափոխվել Վաղարշապատի բժշկական կենտրոն։

Վթարի վայր են ժամանել ճանապարհային ոստիկանության 2-րդ սպայական գումարտակի 1-ին վաշտի 1-ին դասակի աշխատակիցները՝ ավագ տեսուչ Հովհաննես Սահակյանի գլխավորությամբ։ Դեպքի վայրում քննչական աշխատանքները ղեկավարում է ոստիկանության քննչական գլխավոր վարչության Վաղարշապատի քննչական բաժանմունքի քննիչ Սամվել Ավդոյան, ում կողմից նյութեր են նախապատրաստվում։