«Ֆոլքսվագեն»–ը գլորվել է ձորը. կան 3 վիրավորներ (Ֆոտո)

Այսօր՝ մարտի 13-ին, ավտովթար է տեղի ունեցել Լոռու մարզում։

Ինչպես Լուրեր.com–ին հայտնում է ֆոտոլրագրող Գագիկ Շամշյանը, ժամը 16.00-ի սահմաններում, Լոռու մարզի Ախթալա քաղաքում նույն մարզի Օձուն գյուղի բնակիչ, 25-ամյա Ջոն Մանթաշյանը, վարելով «Ֆոլքսվագեն Գոլֆ» մակնիշի 21 ՍՕ 160 համարանիշի ավտոմեքենան, դուրս է եկել ճանապարհի երթևեկելի գոտուց և գլորվել ձորը։ Վիրավորներին ձորից դուրս են բերել ՃՈ աշխատակիցներն ու Ախթալայի փրկարարները։

Վթարի հետևանքով վարորդ Ջ. Մանթաշյանը և 2 ուղևորներ, Ալավերդի քաղաքի բնակիչներ 24-ամյա Արթուր Շախկուլյանը և 22-ամյա Ռուբեն Հարությունյանը մարմնական վնասվածքներով տեղափոխվել են Ալավերդու բժշկական կենտրոն։

Դեպքի վայր են ժամանել ճանապարհային ոստիկանության 2-րդ սպայական գումարտակի 5-րդ վաշտի աշխատակիցները՝ վաշտի հրամանատար Վարդան Նարգիզյանի գլխավորությամբ։ Դեպքի վայրում քննչական աշխատանքները ղեկավարել է ճանապարհային ոստիկանության հետաքննիչ Մխիթար Գիշյանը։

Գ. Շամշյանը հայտնում է, որ հավանաբար հետաքննիչի կողմից ստեղծված նյութերը կուղարվի ոստիկանության քննչական գլխավոր վարչության Լոռու մարզի քննչական բաժին։

{gallery}shamshyan/dzor1303{/gallery}