Ինքնասպանություն` Երևանում. 59-ամյա կինն իրեն նետել է 9-րդ հարկից (Ֆոտո, Տեսանյութ)

Այսօր` մարիտի 14-ին, ինքնասպանություն է տեղի ունեցել Երևանում:

Ինչպես դեպքի վայրից Lurer.com-ին հայտնում է ֆոտոլրագրող Գագիկ Շամշյանը, առավոտյան` ժամը 8.30-ի սահմաններում, Խաղաղ Դոնի 31 շենքի 27 բնակարանի բնակչուհի, 59-ամյա Լ.Մ.-ն ինքնասպանություն գործելու նպատակով իր բնակարանից իրեն ցած է նետել:

Նշված շենքը 9-հարկանի է. կինը բնակվում էր շենքի 9-րդ հարկում:

Դեպքի վայրում հավաքվածները ֆոտոլրագրողին պատմել են, որ 1 տարի առաջ մահացել էր Լ.Մ.-ի մայրը: Մոր մահից հետո Լ.Մ.-ն միայնակ էր ապրում:

Դեպքի վայրում հավաքվածները ֆոտոլրագրողին նաև պատմել են, որ Լ.Մ.-ն Հայաստան էր եկել Ադրբեջանից:

Այս պահին դեպքի վայրում են ոստիկանության Էրեբունու բաժնի օպերատիվ խումբը՝ քրեական հետախուզության բաժանմունքի պետ Գևորգ Հակոբյանի գլխավորությամբ:

Քիչ առաջ դեպքի վայր ժամանեց նաև ոստիկանության քննչական գլխավոր վարչության Էրեբունու քննչական բաժնի քննիչ Հայկ Դելեյանը:

Թե ինչն է եղել ինքնասպանության պատճառը, պետք է պարզվի ոստիկանության Էրեբունու քննչական բաժնում:

{gallery}shamshyan/inqnaspanutyun1403{/gallery}