Սեյրան Օհանյանը և Վլադիմիր Գասպարյանը ներկա են եղել Երևանի թիվ 192 դպրոցի նոր լսարանի բացմանը (ֆոտոռեպորտաժ, տեսանյութ)

Այսօր մայրաքաղաքի թիվ 192 դպրոցում այսօր բացվել է արցախյան հերոսամարտի նվիրյալ, ազգային հերոս, «Մարտական Խաչ» 1-ին աստիճանի շքանշանակիր Սամվել Գևորգյանի անվան լսարան:

Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, Պաշտպանության նախարարության և Քիք-Բոքսինգի Ազգային ֆեդերացիայի նախաձեռնությամբ հիմնված լսարանը հագեցած է մեր նորանկախ պետության պատմության վերաբերյալ նյութերով, որոնք երիտասարդներին հնարավորություն կտան ծանոթանալու անկախության ձեռքբերումներին, արցախյան հերոսամարտին, ազգային հերոսներին, նրանց անցած փառավոր ուղուն:

Ազգային հերոս Սամվել Գևորգյանը նման ուղի է անցել՝ մասնակցել է Երասխավանի, Ոսկեպարի, Նոյեմբերյանի մարտերին: Նա ոչ միայն լավ հրամանատար էր, այլև իսկական հայ, որն իր կյանքը նվիրաբերեց հանուն հայրենիքի: Միջոցառմանը ներկա են եղել պաշտպանության նախարար Սեյրան Օհանյանը, ոստիկանության պետ Վլադիմիր Գասպարյանը, մարտական ընկերները:

Լուսանկարները և տեսանյութը՝ Գագիկ Շամշյանի