ԱՄՆ նոր դեսպանը Հայաստան կժամանի առաջիկայում
Դիվանագիտական առաքելություններ
ՀՀ-ում ԱՄՆ նորանշանակ դեսպան Ռիչարդ Միլսը Հայաստան կժամանի առաջիկա մի քանի շաբաթների ընթացքում: Այս մասին «Արմենպրես»-ին տեղեկացրին ՀՀ-ում ԱՄՆ դեսպանությունից: «Մենք պատրաստվում ենք դեսպան Միլսի ժամանմանը առաջիկա մի քանի շաբաթվա ընթացքում: Երբ նրա ժամանման օրը վերջնականապես հստակեցվի, մենք համապատասխան հայտարարություն կանենք»,-ասացին դեսպանությունում:
ԱՄՆ Սենատը 2014թ. դեկտեմբերի 16-ին հավանություն է տվել Հայաստանում ԱՄՆ դեսպանի պաշտոնում Ռիչարդ Միլսի թեկնածությանը: Միլսը Բեյրութում ԱՄՆ-ի դիվանագիտական առաքելության ղեկավարի տեղակալի պաշտոնն էր զբաղեցնում: Նա իր դիվանագիտական ծառայությունը սկսել է 1988թ՝ որպես հյուպատոսության աշխատակից Ֆրանսիայում ԱՄՆ-ի դեսպանատանը։ Ապա վերադարձել է Վաշինգտոն՝ աշխատելու Խորհրդային Միության բաժնում՝ հետագայում դառնալով նորանկախ Հայաստանի և Ադրբեջանի բաժնի ղեկավար։ Ռիչարդ Միլսը աշխատել է նաև Մալթայում, Իրաքում, Մեծ Բրիտանիայում, Սաուդյան Արաբիայում, Պակիստանում, Իռլանդիայում ԱՄՆ-ի դիվանագիտական առաքելություններում՝ զբաղեցնելով տարբեր պաշտոններ:
Միլսը Հայաստանում փոխարինում է Ջոն Հեֆերնին, ով Հայաստանում ԱՄՆ-ի դեսպանի պաշտոնն զբաղեցնում էր 2011-ի աշնանից, սակայն արդեն ավարտել է առաքելությունն ու մեկնել երկրից:
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
