Էդվարդ Նալբանդյանը Մոսկվայում բանակցություններ կվարի Սերգեյ Լավրովի հետ. ՌԴ ԱԳՆ
Դիվանագիտական առաքելություններ
Հայաստանի արտաքին գործերի նախաար Էդվարդ Նալբանդյանն ապրիլի 7-8-ին պաշտոնական այցով կգտնվի Մոսկվայում, որի շրջանակներում բանակցություններ կվարի Ռուսաստանի իր պաշտոնակից Սերգեյ Լավրովի հետ, տեղեկացնում է «Արմենպրես»-ը՝ հղում անելով ՌԴ ԱԳ նախարարությանը:
Ապրիլի 8-ին կայանալիք բանակցությունների ընթացքում երկու երկրի արտաքին քաղաքական գերատեսչությունների ղեկավարները «կքննարկեն երկկողմ համագործակցության, միջազգային օրակարգի, արտաքին քաղաքական կոորդինացման հրատապ հարցերը, այդ թվում՝ ՄԱԿ-ում, ԵԱՀԿ-ում, ՍԾՏՀ-ում, բազմակողմ այլ ֆորումների շրջանակում»: Կողմերը նաեւ կարծիքներ կփոխանակեն Լեռնային Ղարաբաղի հակամարտության կարգավորման թեմատիկայի շուրջ:
ՌԴ ԱԳՆ-ում նշել են, որ Մոսկվայի և Երևանի միջև «արդյունավետ գործակցություն է հաստատվել գլոբալ և տարածաշրջանային հիմնական թեմաների շուրջ», պետությունների դիրքորոշումները հարցերի մեծ մասում «մոտ են կամ համընկնում են»:
«Ակնկալում ենք, որ Հայաստանի արտաքին գործերի նախարարի այցը Ռուսաստան կարեւոր իրադարձություն կդառնա երկկողմ արտաքին քաղաքական երկխոսության հետագա զարգացման գործում, կծառայի ռուս-հայկական դաշնակցային գործընկերության ամրապնդմանը»,-ասված է մեկնաբանության մեջ, որը հրատարակված է ՌԴ ԱԳ նախարարութան կայքում:
ՈՒՂԻՂ ԵԹԵՐ
Ամենադիտված 
Պարոն վարչապետ, չհասկացա` Ձեր այսօրվա խոսքը ու՞մ էր ուղղված. Արամ Սարգսյան
