Կանայք և տղամարդիկ միեւնույն լողափում չպետք է լինեն. ադրբեջանցի գործիչ

Ադրբեջանցի կրոնական գործիչ Հաջի Թեյար Հուսեյնլին հայտարարել է, որ Ադրբեջանում կանայք եւ տղամարդիկ չպետք է միմյանց ներկայությամբ շրջեն հանված, իսկ հիջաբով (մահմեդական գլխաշոր) կրող կանանց համար պետք է հատուկ լողափեր ստեղծվեն:

Ինչպես հաղորդում է «Արմենպրես»-ը' վկայակոչելով minval.az լրատվական կայքը, վերաբերմունք հայտնելով այն բանին, որ կանայք եւ տղամարդիկ հանգստանում են միեւնույն լողափում, Հուսեյնլին ասել է, որ հիջաբով կանայք չպետք է մտնեն ծովն այնտեղ, որտեղ տղամարդիկ կան:

Նրա խոսքով' ինչպես այլ մուսուլմանական երկրներում է' Ադրբեջանում եւս լողափերը պետք է բաժանվեն կանանց եւ տղամարդկանց:

«Եթե հավատացյալ հիջաբով կինը ծովից դոջրս է գալիս եւ նրա հագուստն ընդգծում է մարմնի որոշ հատվածներ, ապա դա գրավում է տղամարդկանց ուշադրությունը: Կրոնական տեսակետից դա համարվում է մեղք եւ հարամ», -գտնում է Հուսեյնլին:

Ըստ նրա' եթե կինը ծով է մտնում հագուստով, ուրեմն նա չի ցանկանում, որ տղամարդիկ տեսնեն իր թաց մարմինը:

«Ադրբեջանում կանանց եւ տղամարդկանց համար պետք է առանձին լողափեր ստեղծվեն: Տղամարդիկ եւ կանայք չպետք է միմյանց առաջ հանված շրջեն: Գտնում եմ, որ հիջաբով կանայք կարող են ծով մտնել միայն տղամարդկանցից մեծ հեռավորության վրա», -ամփոփել է ադրբեջանցի կրոնական գործիչը:

Ինչպես երեւում է' հեռու չէ այն օրը, երբ իրեն «աշխարհիկ պետություն» հռչակած Ադրբեջանում կգերիշխի շարիաթի օրենքները: