ԳՖՀ-ի ԱԳ նախարարը վերջին 12 տարվա ընթացքում առաջին անգամ կայցելի Իրան
Դիվանագիտական առաքելություններ
ԳՖՀ-ի արտաքին գործերի նախարար Ֆրանկ Վալտեր Շտայնմայերը հոկտեմբերին կայցելի Իրանի մայրաքաղաք Թեհրան, տեղեկացնում Է «Արմենպրես»-ը՝ հղում անելով DPA գործակալությանը:
Շտայնմայերի պլանավորված այցը կդառնա 2003 թվականից ի վեր Գերմանիայի ԱԳՆ ղեկավարի առաջին ուղեւորությունը Թեհրան:
Շտայնմայերը օգոստոսի 24-ին Բեռլինում կայացած դիվանագիտական խորհրդաժողովում հայտարարել Է, որ իրանական միջուկային ծրագրի շուրջ համաձայնագրի կնքումից հետո ինքը կցանկանար «անմիջականորեն տեղում» գնահատել իրադրությունը:
Ինչպես նշում Է Reuters գործակալությունը, վկայակոչելով նախարարի ներկայացուցչին, պաշտոնական այցի շուրջ բանակցությունները սկզբնական փուլում են:
Անցած ամսին Իրան Էր այցելել Գերմանիայի փոխկանցլեր, Էկոնոմիկայի եւ Էներգետիկայի նախարար Զիգմար Գաբրիելը: Գերմանիայի կառավարությունը չի թաքցնում, որ լրջորեն շահագրգռված Է երկու երկրների միջեւ տնտեսական կապերի զարգացմամբ, բայց Գաբրիելը Թեհրանից վերադառնալուց հետո չի պատմել Իրանում գերմանական տնտեսության կոնկրետ պլանների մասին:
Մեծ Բրիտանիայի արտաքին գործերի նախարար Ֆիլիպ Համոնդը օգոստոսի 23-ին Իրան երկօրյա այցի ընթացքում Թեհրանում բացել Է Միացյալ Թագավորության դեսպանությունը, հաղորդել Է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
