ՇՏԱՊ. Ավազակային հարձակում տարադրամի փոխանակման կետի վրա. հնչել են կրակոցներ, կա 2 վիրավոր (ԹԱՐՄԱՑՎԱԾ՝ ՖՈՏՈՌԵՊՈՐՏԱԺ, ՏԵՍԱՆՅՈՒԹ)

Քիչ առաջ ավազակային հարձակում է տեղի ունեցել Երևանում:

Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, Թումանյան 2 հասցեում գտնվող տարադրամի փոխանակման կետից փորձել են, ըստ նախնական տեղեկությունների, գումար հափշտակել:

Այս պահին դեպքի վայրում են մեծ թվով ոստիկանության աշխատակիցներ' ոստիկանության Երևան քաղաքի վարչության պետ Ներսես Նազարյանի գլխավորությամբ:

Այստեղ է նաև ոստիկանության Կենտրոնականի բաժնի օպերատիվ խումբը' բաժնի պետ Սարգիս Մարտիրոսյանի գլխավորությամբ:

Դեպքի վայրում են նաև ոստիկանության քրեական հետախուզության գլխավոր վարչության մեծ թվով աշխատակիցներ:

Ֆոտոլրագրող Գագիկ Շամշյանը հայտնեց նաև, որ տարադրամի փոխանակման կետի միջից երկու հոգու շտապօգնության ավտոմեքենան տեղափոխեց Հանրապետական հիվանդանոց:

Ականատեսները պատմել են, որ հնչել է 4-5 կրակոց. ոստիկաններն արդեն հայտնաբերել են «Մակարով» տեսակի ատրճանակի կրակված փամփուշտներ: Ոստիկանները հայտնաբերել են նաև գլխարկ ինչը կասկած է հարուցել որ այն պատկանում է հանցագործներից որևե մեկին, հանցագործները կարողացել են նաև ավազակային հարձակման արդյունքում գումար հափշտակել, իսկ կոնկրետ որքան, պարզ կդառնա նախաքննության ընթացքում:

Լուսանկարները՝ Գագիկ Շամշյանի: