Ոստիկանության պետ Վլադիմիր Գասպարյանը շարունակում է պաշտոնանկություններն ու նշանակումները

ՀՀ ոստիկանության պետ, ոստիկանության գեներալ-լեյտենանտ Վլադիմիր Գասպարյանը հրամաններ է ստորագրել: Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ՀՀ ոստիկանապետի հրամանով, ոստիկանության գնդապետ Կարեն Բաբակեխյանը ազատվել է ոստիկանության կազմակերպված հանցավորության դեմ պայքարի գլխավոր վարչության պետի տեղակալի պաշտոնից:

Ոստիկանապետի մեկ այլ հրամանով, Կարեն Բաբակեխյանը նշանակվել է ոստիկանության Շիրակի մարզային վարչության պետ:

Ոստիկանապետի մեկ այլ հրամանով, ոստիկանության Շիրակի մարզային վարչության պետ, ոստիկանության գնդապետ Արամ Տեր-Թովմասյանը ազատվել է զբաղեցրած պաշտոնից և ուղարկվել կադրերի տրամադրության տակ:

Ոստիկանապետի մեկ այլ հրամանով, ոստիկանության կազմակերպված հանցավորության դեմ պայքարի գլխավոր վարչության 4-րդ վարչության պետի պաշտոնից ազատվել է ոստիկանության գնդապետ Նազարեթ Մնացականյանը:

Ոստիկանապետի մեկ այլ հրամանով, նշված պաշտոնին է նշանակվել ոստիկանության փոխգնդապետ Լևոն Խաչատրյանը:

Ոստիկանապետի մեկ այլ հրամանով, ոստիկանության փոխգնդապետ Վարդան Նադարյանը նշանակվել է ոստիկանության Գեղարքունիքի մարզային վարչության պետ:

Ոստիկանապետի մեկ այլ հրամանով, աշխատանքից ազատվել է ոստիկանության գնդապետ Սուրիկ Սարուխանյանը` «Մուծիկուլի» մականվամբ, ով ոստիկանության պետի աշխատակազմի ղեկավարն էր:

Ոստիկանապետի մեկ այլ հրամանով, ոստիկանության գնդապետ Մելիք Գասպարյանը ազատվել է Ճանապարհային ոստիկանության հաշվառման քննական Կոտայքի բաժանմունքի պետի պաշտոնից:

Ոստիկանապետի մեկ այլ հրամանով, նշված բաժանմունքի պետ է նշանակվել ոստիկանության կապիտան Միքայել Աֆյանը, ով, ոստիկանապետի հրամանով, ազատվել է Երևանի թիվ 3-րդ հաշվառման քննական բաժանմունքում իր ունեցած ավագ տեսուչի պաշտոնից:

Ֆոտոլրագրող Գագիկ Շամշյանը հայտնեց նաև, որ Միքայել Աֆյանը ոստիկանապետի ծառայության գծով տեղակալ, գեներալ-մայոր Ալեքսանդր Աֆյանի որդին է: