Ավտովթար Մերձավանի զորամասի դիմաց. մեքենան շրջվել է, կա վիրավոր (Թարմացված՝ ՖՈՏՈ, ՏԵՍԱՆՅՈՒԹ)

Այսօր` նոյենբերի 10-ին, ավտովթար է տեղի ունեցել Արմավիրի մարզում: Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, առավոտյան ժամը 9.00-ի սահմաններում, Արամավիրի Մերձավան գյուղի բնակիչ, 43-ամյա Բաբկեն Սարգսյանը, վարելով «Երազ» մակնիշի 67 ԼՍ 594 համարանիշի ավտոմեքենան, դուրս է եկել հանդիպակաց գոտի, շրջվել և բախվել Մերձավանի ՊՆ X զորամասի դիմաց կայանված, 36-ամյա Օնիկ Ներսիսյանին պատկանող «ՎԱԶ 2106» մակնիշի 12 ՏՏ 348 համարանիշի ավտոմեքենային:

Վթարի հետևանքով Բաբկեն Սարգսյանը մարմնական վնասվածքներով տեղափոխվել է Արմենիա բժշկական կենտրոն:

Վթարի վայր էին ժամանել Ճանապարհային ոտիկանության 2-րդ սպայական գումարտակի 1-ին վաշտի 1-ին դասակի տեսուչները` դասակի հրամանատար Գրիգոր Գրիգորյանի գլխավորությամբ:

Քննչական աշխատանքները ղեկավարում էր ոստիկանության քննչական գլխավոր վարչության Էջմիածնի քննչական բաժանմունքի քննիչ Էդգար Բաբայանը:

Նրա հանձնարարականով, մեքենաները տեղափոխվեցին Էջմիածնի ոստիկանության տուգանային հրապարակ:

Լուսանկարները և տեսանյութը` Գագիկ Շամշյանի