Դավութօղլուն ժամանել է Իրան

Թուրքիայի վարչապետ Ահմեդ Դավութօղլուն երկօրյա այցով մեկնել է Իրան' Թեհրան: Ինչպես հաղորդում է «Արմենպրես»-ը, այս մասին տեղեկացնում է թուրքական «Հաբերլեր» լրատվականը:

Դավութօղլուի գլխավորած պատվիրակության կազմում են էկոնոմիկայի, մաքսային և առևտրի, էներգետիկայի և բնական պաշարների, տրասպորտի, ծովագնացության և կապի նախարարները: Թուրքիայի վարչապետը Թեհրանում կհանդիպի և բանակցություններ կունենա Իրանի փոխնախագահի, արտգործնախարարի, ապա նաև նախագահի հետ:

Կողմերը կխոսեն Անկարայի և Թեհրանի միջև երկկողմ հարաբերությունների, տարածաշրջանային խնդիրների և առևտրատնտեսական կապերի մասին: