Ավտովթար Երևանում. «Մերսեդես»-ները բախվել են իրար (ՖՈՏՈ, ՏԵՍԱՆՅՈՒԹ)

Այսօր` նոյեմբերի 12-ին, ավտովթար է տեղի ունեցել Երևանում: Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 13.30-ի սահմաններում Հալաբյան փողոցում իրար են բախվել «Մերսեդես» մակնիշի 10 ԼՕ 864 համարանիշի և «Մերսեդես Բենց 600» մակնիշի 86 PO 888 համարանիշի ավտոմեքենաները, ապա վերջինիս վարորդը ավտոմեքենայով բախվել է ծառին:

Բարեբախտաբար, զոհեր և վիրավորներ չկան:

86 PO 888 համարանիշի «Մերսեդես»-ը վարել է 38-ամյա Հայկ Մալխասյանը, իսկ 10 ԼՕ 864 համարանիշինը` 42-ամյա Մանվել Ադիբեկյանը:

Դեպքի վայր էին ժամանել Ճանապարհային ոստիկանության 1-ին սպայական գումարտակի աշխատակիցները:

Լուսանկարները և տեսանյութը` Գագիկ Շամշյանի