Շտայնմայերը կայցելի Բաքու

Գերմանիայի արտաքին գործերի նախարար, ԵԱՀԿ գործող նախագահ Ֆրանկ-Վալտեր Շտայնմայերը այց կկատարի Ադրբեջան: Այս մասին, ինչպես հաղորդում է «Արմենպրես»-ը, հայտնում է ԱՊԱ լրատվական գործակալությունը:

Ըստ գործակալության՝ Գերմանիայի դաշնային հանրապետության արտաքին քաղաքական գերատեսչության ղեկավարի Բաքու առաջիկա այցի մասին հայտարարել է ԳԴՀ-ում Ադրբեջանի դեսպան Փարվիզ Շահբազովը: Նա նշել է, որ այցը ծրագրված է հունիսի վերջին-հուլիսի սկզբին:

Այցի ճշգրիտ ժամկետը հայտնի կդառնա մոտակա օրերին: