Հրդեհ Բաղրամյան պողոտայում. տաքսին ամբողջովին այրվել է (ՖՈՏՈ, ՏԵՍԱՆՅՈՒԹ)
Գագիկ Շամշյանը հայտնում է
Այսօր` նոյեմբերի 14-ին, արտակարգ պատահար է տեղի ունեցել Երևանում: Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 11-ի սահմաններում Բաղրամյան պողոտայում` «Հայաստան» հանրախանութի դիմաց, դեռևս անհայտ պայմաններում հրդեհ է բռնկվել «Կավալեր» տաքսի ծառայությանը պատկանող` Տ 6184 համարանիշի տաքսի ավտոմեքենայում:
Շտապ դեպքի վայր էին ժամանել Արտակարգ իրավիճակների նախարարության Հայաստանի փրկարար ծառայության Երևանի փրկարար ծառայության հրշեջ-փրկարարները` 1 մարտական հաշվարկով:
Կարճ ժամանակում հրշեջներին հաջողվեց կրակը մարել, սակայն մեքենան ամբողջովին դարձել էր մոխրակույտ:
Հրշեջների արագ արձագանքման և հրդեհը մարելու շնորհիվ պայթյուն չառաջացավ:
Հրդեհի բռնկման պահին ավտոմեքենայում եղել է միայն վարորդը` Արարատի մարզի բնակիչ Համլետ Սողոմոնյանը, ով մարմնական վնասվածքներ չի ստացել:
Դեպքի վայր էին ժամանել նաև Երևանի ճանապարհային ոստիիկանության աշխատակիցները և ոստիկանության Արաբկիրի բաժնի օպերատիվ-քննչական խումբը:
Փաստի առթիվ ոստիկանության Արաբկիրի բաժնի աշխատակիցները և փրկարար ծառայության հրշեջ-փրկարարները փորձում են ճշտել հրդեհի պատճառները:
Լուսանկարները և տեսանյութը` Գագիկ Շամշյանի
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
