Մահացու վրաերթ կատարողը ձերբակալվել է (ՖՈՏՈ, ՏԵՍԱՆՅՈՒԹ)
Գագիկ Շամշյանը հայտնում է
Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, նոյեմբերի 12-ի երեկոյան, ժամը19.00-ի սահմաններում, անհայտ ավտոմեքենայի վարորդը Երևանի Արարատյան փողոցում վրաերթի էր ենթարկել 58-ամյա Ռուբեն Մանուկյանին, ով մարմնական վնասվածքներով տեղափոխվել էր «Էրեբունի» բժշկական կենտրոն, իսկ վարորդը, վրաերթի ենթարկվածին թողնելով անօգնական, դեպքի վայրից դիմել էր փախուստի:
Վթարի ենթարկվածը, նույն օրը գիշերը հիվանդանոցում գիտակցության չգալով, մահացել էր:
Ոստիկանության Շենգավիթի բաժնի, Չարբախի բաժանմունքի և ոստիկանության քննչական գլխավոր վարչության Ճանապարհատրանսպորտային հանցագործությունների քննության բաժնի աշխատակիցներ ձեռնարկած օպերատիվ-քննչական գործողությունների և բացատրական աշխատանքների արդյունքում ոստիկանության Չարբախի բաժանմունք է ներկայացել «Նոր Նորք» տաքսի ծառայության վարորդ, 59-ամյա Վրեժ Ազատյանը, ով խոստովանել է, որ մահացու վրաերթը կատարել է ինքը՝ իր կողմից վարած «ՎԱԶ-2107» մակնիշի ավտոմեքենայով:
ՃՏՀ քննության բաժնի քննիչի կողմից Վ. Ազատյանը ձերբակալվել է:
ՈՒՂԻՂ ԵԹԵՐ
Ամենադիտված 
ՀՀ ՊՆ–ն հայտարարություն է տարածել
